ଆଶିଶ ବରଣ ମହାନ୍ତିଙ୍କ ବାପା ଜଣେ ବ୍ୟବସାୟୀ ଓ ମାଆ A.G., ଭୁବନେଶ୍ୱରଠାରେ ଆକାଉଣ୍ଟାଣ୍ଟ୍‌ ଭାବେ କାର୍ଯ୍ୟ କରନ୍ତି | ମଲ୍ଟିମିଡିଆରେ ରୁଚି ରଖୁଥିବାରେ ସେ ଆମ ଅନୁଷ୍ଠାନରୁ CoE-IT ଟ୍ରେଡ୍‌ରେ ୨୦୧୧ ରେ Multimedia & web page designing course କରିଥିଲେ | ନିଜର ପ୍ରଚେଷ୍ଟାରେ ସେ ଆଜି ଏକ ଇଭେଣ୍ଟ ମ୍ୟାନେଜମେଣ୍ଟ କମ୍ପାନୀ ପ୍ରତିଷ୍ଠା କରି ବିଭିନ୍ନ ସରକାରୀ ଡକ୍ୟୁମେଣ୍ଟାରୀ ଭିଡିଓ ରେ ନିର୍ଦ୍ଦେଶନା ଦେଇଛନ୍ତି | ଜଣେ ଭିଜୁଆଲ୍‌ ନିର୍ଦ୍ଦେଶକ ଭାବେ ସେ ଆଜି ସମସ୍ତଙ୍କ ପାଇଁ ଏକ ଜ୍ୱଳନ୍ତ ଉଦାହରଣ |

ଏକ ଗରିବ ପରିବାରରୁ ଆସିଥିବା ଭଗବାନ ବାଚ୍ଚୀଙ୍କର ଦୁଇଜଣ ଭଉଣୀ ଅଛନ୍ତି | ପରିବାରର ଏକମାତ୍ର ରୋଜଗାରୀ ବ୍ୟକ୍ତି-ତାଙ୍କ ବାପା କୌଣସି ମତେ ନିଜ ପିଲାମାନଙ୍କୁ ଶିକ୍ଷାଲାଭ କରିବାର ସୁଯୋଗ ପ୍ରଦାନ କରିବାକୁ ସକ୍ଷମ ହୋଇଥିଲେ |

ଆମ ଅନୁଷ୍ଠାନରୁ Electrician ପାଠ୍ୟକ୍ରମରେ ଆଇ.ଟି.ଆଇ. ପାସ କରିଲା ପରେ TATA STEEL LTD ରେ ନିଯୁକ୍ତ ହୋଇ ଭଗବାନ ମଧ୍ୟ ନିଜ ପିତାଙ୍କୁ ସହଯୋଗର ହାତ ବଢେଇଥିଲେ | ତାଙ୍କ ରୋଜଗାର ତାଙ୍କ ପିତାଙ୍କ ପ୍ରତି ବହୁତ ବଡ ସହଯୋଗ ସାବ୍ୟସ୍ତ ହେଲା |

ବହୁତ ପରିଶ୍ରମୀ ଥିବା ଭାଗ୍ୟଶ୍ରୀ ବେହେରାଙ୍କ ବାପା ବେରୋଜଗାର ଥିଲେ | କେବଳ ପ୍ରାଥମିକ ଛାତ୍ର-ଛାତ୍ରୀଙ୍କୁ ଟ୍ୟୁସନ ପଢେଇବା ଥିଲା ତାଙ୍କର ରୋଜଗାର ର କେବଳ ଗୋଟିଏ ମାଧ୍ୟମ | ନିଜ ପିତାଙ୍କ ଏଭଳି ସ୍ୱଳ୍ପ ରୋଜଗାର ଭାଗ୍ୟଶ୍ରୀଙ୍କ ହତୋତ୍ସାହ କରି ପାରିଲା ନାହିଁ ବରଂ ସେ ନିଜ ଗରିବ ପିତାଙ୍କୁ ସାହାଯ୍ୟ କରିବାକୁ ନିଶ୍ଚୟ କରିଲେ | ଆମ ଅନୁଷ୍ଠାନରୁ IT&ESM ରେ ଆଇ.ଟି.ଆଇ ପାସ୍‌ କଲା ପରେ ବହୁ ଚେଷ୍ଟା କରି ସେ JPAL South Asia ରେ ଜଣେ Data Entry Operator ଭାବେ ଏବେ କାର୍ଯ୍ୟରତ ତଥା ନିଜ ପିତାଙ୍କର ଏକ ସମ୍ବଳ ହୋଇପାରିଛନ୍ତି |

ବିଶ୍ୱପୂଜାରିଣୀଙ୍କ ପିତା ମାଲକାନାଗିରି ଆଇ.ଟି.ଆଇ, ରାୟଗଡା ରେ ସହକାରୀ ତାଲିମପ୍ରଦାନକାରୀ କର୍ମଚାରୀ ଭାବେ କାର୍ଯ୍ୟରତ ଅଛନ୍ତି | ସେ ନିଜ ବାପାଙ୍କ ଠାରୁ ବହୁ ଉତ୍ତମଗୁଣ କୁ ଶିକ୍ଷାଲାଭ କରି ବହୁଳ ମାତ୍ରାରେ ଅଭିନବ ଚିନ୍ତାଧାରୀ ଓ ଗତିଶୀଳ ହୋଇ ପାରିଛନ୍ତି | ଆମ ଅନୁଷ୍ଠାନରୁ ଇଲେକ୍ଟ୍ରୋନିକ୍ସ ମେକାନିକରେ ଆଇ.ଟି.ଆଇ. ପାସ୍‌ କରି ସାରି ମଧ୍ୟ ସନ୍ତୁଷ୍ଟି ନ ମିଳିବାରୁ ସେ ଉଚ୍ଚଶିକ୍ଷା ପାଇଁ ଇଚ୍ଛା ପ୍ରକାଶ କରିଲେ | ଶେଷରେ ସେ MCA କରି ଏବେ Tech Manhindra କମ୍ପାନୀରେ Product Architect ଭାବେ କାର୍ଯ୍ୟରତ | ଜଣେ ସଫ୍ଟୱେର୍‌ ଇଞ୍ଜିନିୟର ଭାବେ ସେ ଆମ ସମସ୍ତଙ୍କ ଲାଗି ଏକ ଜ୍ୱଳନ୍ତ ଉଦାହରଣ |

କେନ୍ଦ୍ରାପଡା ନିକଟସ୍ଥ ମାର୍ଶାଘାଇ ଗ୍ରାମର ଦେବାଶିଷ ପ୍ରଧାନ ପିଲାବେଳୁ ନିଜ ପିତାଙ୍କୁ ହରେଇ ସାରି ଥିଲେ | ତାଙ୍କର ଜଣେ ବଡ ଭାଇ ଥିଲେ ଯିଏ ଏକ ବେସରକାରୀ ଚାକିରୀ କରୁ ଥିଲେ ଏବଂ ଜଣେ ଗୃହିଣୀ ମାଆ ଥିଲେ | ଦେବାଶିଷ ୨୦୧୪ ରେ ଆମ ଅନୁଷ୍ଠାନରୁ IT&ESM ରେ ଆଇ.ଟି.ଆଇ ପାସ୍‌ କରି ନିଜର କଠିନ ଅଧ୍ୟବସାୟ ଫଳରେ “INOX WIND, Ltd.”, Rohika, Bangaluru ରେ Production division ରେ ଜଣେ Technician ଭାବେ ଏବେ କାର୍ଯ୍ୟରତ ଅଛନ୍ତି | ଏବେ ସେ ମଧ୍ୟ ରୋଜଗାରକ୍ଷମ ହୋଇ ନିଜ ପରିବାରକୁ ଆର୍ଥିକ ସାହାଯ୍ୟ ଦେଇ ପାରୁଛନ୍ତି |

ଦିବ୍ୟଜ୍ୟୋତି ଦାଶ ଜଣେ କଠିନ ପ୍ରରିଶ୍ରମୀ ପ୍ରଶିକ୍ଷାର୍ଥୀ ଥିଲେ ଯିଏ ଆମ ଅନୁଷ୍ଠାନରୁ ଇଲେକ୍ଟ୍ରୋନିକ୍ସ ମେକାନିକ ପାଠ୍ୟକ୍ରମରେ ଆଇ.ଟି.ଆଇ. ପାସ୍‌ କରିଥିଲେ | କଠିନ ପରିଶ୍ରମରୁ ହିଁ ସଫଳତା ପ୍ରାପ୍ତ ହୋଇଥାଏ | ତାଙ୍କ ପିତାଙ୍କର ଏକ ବୈଦ୍ୟୁତିକ ଉପକରଣ ଦୋକାନ ରହିଛି ଏବଂ ତାଙ୍କ ମାଆ ଜଣେ ଗୃହିଣୀ | ସେ ବହୁ ଚେଷ୍ଟାପୂର୍ବକ ବୈଦ୍ୟୁତିକ କ୍ଷେତ୍ରରେ ବ୍ୟାବହାରିକ ଜ୍ଞାନ ଓ ଅନୁଭବ ଲାଭ କରିଥିଲେ | ନିଜ ଆଇ.ଟି.ଆଇ ଅଧ୍ୟୟନ କାଳରେ ଫାଙ୍କା ସମୟରେ ସେ ନିଜ ପିତାଙ୍କୁ ତାଙ୍କ ଦୋକାନରେ ସାହାଯ୍ୟ କରୁଥିଲେ | ତାଙ୍କ କଠିନ ପରିଶ୍ରମ କାରଣରୁ ତାଙ୍କୁ ଟାଟା ଷ୍ଟିଲ ଲିମିଟେଡ ରେ ଚାକିରୀଟିଏ ମିଳିପାରିଛି |

ପୋଷାକ ତିଆରି ପ୍ରତି ରୁଚି ରଖୁଥିବା ସ୍ୱାଧୀନ ଚିନ୍ତାଧାରା ସମ୍ପନ୍ନା ହରପ୍ରିୟା ବେହେରା ଆମ ଅନୁଷ୍ଠାନରେ ଏକ ବର୍ଷୀୟା ପୋଷାକ ତିଆରି ପାଠ୍ୟକ୍ରମରେ ନାମ ଲେଖାଇ ଥିଲେ | କିଛି ଅଳ୍ପ ଅନୁଦାନରେ ସେ ନିଜର କମ୍ପାନୀ “ପଦ୍ମାଳୟା ଡୀଜାଇନ୍‌ ହାଉସ୍‌” ଏକ (୧୨ x ୧୫)ଫୁଟ୍‌ କକ୍ଷରେ ଖୋଲିଲେ | ବର୍ତ୍ତମାନ କାଳରେ ତାଣ୍କ ପାଖରେ ୮ ଜଣ ମହିଳା ୪ ଗୋଟି ସିଲେଇ ମେସିନ ରେ କାମ କରି ନିଜ ପରିବାର ର ପ୍ରତିପୋଷଣ କରୁଛନ୍ତି |

ପୁରୀ ନିକଟବର୍ତ୍ତୀ ଘୋଡାଡୀହା ଗ୍ରାମର ନିବାସୀ କାହ୍ନୁ ଚରଣ ବେହେରା ଙ୍କ ପିତା ଜଣେ କୃଷକ ଅଟନ୍ତି | ତାଙ୍କ ପରିବାରକୁ ସ୍ୱଳ୍ପବେତନଭୋଗୀ ତିନି ଭାଇ ଚଳାଇ ଆସୁଥିଲେ | ତାଙ୍କୁ ପଢାପଢି କରିବା ଲାଗି ପରିବାରରୁ କିଛି ସହଯୋଗ ମିଳୁ ନ ଥିଲା | ପାଠ ପଢା ସମୟରେ ପାର୍ଟ-ଟାଇମ୍‌ କାମ ଧନ୍ଦା ତଥା ଟ୍ୟୁସନ କରି ସେ ନିଜ ପିତାଙ୍କୁ ସାହାଯ୍ୟ କରୁଥିଲେ | CoE-IT ରେ Multimedia and webpage design ଶୃଙ୍ଖଳରେ ସେ ଆମ ଅନୁଷ୍ଠାନରୁ ଆଇ-ଟି-ଆଇ ପାସ୍‌ କରିଲା ପରେ କଠିନ ଅଧ୍ୟବସାୟ କରି ସେ East Coast Railway ରେ Track Maintenance Engineer ପଦବୀରେ ନିଯୁକ୍ତ ହେଲେ | ଏବେ ସେ ନିଜ ପରିବାରକୁ ସହଯୋଗ କରିବା ପୂର୍ବକ ଅନ୍ୟ ମାନଙ୍କଠାରୁ ସମ୍ମାନ ଲାଭ କରି ପାରୁଛନ୍ତି |

ମୟୂରଭଂଜରୁ ଆସିଥିବା ଫୁଲମଣି ମୁର୍ମୁ ୨୦୦୩ ରେ ଆମ ଅନୁଷ୍ଠାନରୁ ଇଲେକ୍ଟ୍ରୋନିକ୍ସ ମେକାନିକରେ ପାସ କଲାବେଳେ ନିଜ ବାପାଙ୍କୁ ହରେଇଲେ | ସେତେବେଳେ ତାଙ୍କ ପରିବାରରେ କୌଣସି ରୋଜଗାରୀ ସଦସ୍ୟ ନଥିଲା ବେଳେ ତାଙ୍କ ଉପରେ ୪ ଭଉଣୀ ଓ ଜଣେ ଭାଇଙ୍କ ଭରଣ-ପୋଷଣର ଦାୟିତ୍ୱ ଥିଲା | ସେ ଭୁବନେଶ୍ୱର ଗ୍ରୀଡକୋ ରୁ ଆପ୍ରେଣ୍ଟିସିପ୍‌ କରି ସାରି ନିଜର କଠିନ ଅଧ୍ୟବସାୟ ବଳରେ NALCO, ଅନୁଗୁଳ ରେ ଜଣେ Technician ଭାବେ ନିଯୁକ୍ତିଲାଭ କରିଲେ | ତାପରେ ସେ ନିଜ ପରିବାର ର ପୂର୍ଣ୍ଣତଃ ଦାୟିତ୍ୱ ନିର୍ବାହ କରିପାରିଲେ |

ଭଦ୍ରକର ଚାନ୍ଦବାଲିରୁ ଆସିଥିବା ଶ୍ରଦ୍ଧାଞ୍ଜଳୀ ନାୟକଙ୍କ ବାପା ହେଉଛନ୍ତି ଜଣେ ଅବସରପ୍ରାପ୍ତ ସେନାଧିକାରୀ ଏବଂ ମାଆ ଜଣେ ଗୃହିଣୀ | ୨୦୧୧ ରେ ସେ CoE-IT ପାଠ୍ୟକ୍ରମରେ Multimedia & web page designing ବିଶେଷତାରେ ଆମ ଅନୁଷ୍ଠାନରୁ ଆଇ.ଟି.ଆଇ. ପାସ୍‌ କରିଲେ | ପାଠପ୍ରତି ଗଭୀର ଆଗ୍ରହ ତଥା ନିଜର କଠିନ ପରିଶ୍ରମ ଫଳରେ ସେ ଗୁରୁଗ୍ରାମସ୍ଥିତ “Minda Group Pvt. Ltd.” ଠାରେ Quality Checker ଭାବେ ନିଯୁକ୍ତ ହୋଇ ନିଜ ପରିବାରକୁ ସହଯୋଗ କରିପାରିଲେ |

ଢେଙ୍କାନାଳ ଜିଲ୍ଲାର ଏକ ଅଖ୍ୟାତ ପଲ୍ଲୀର ଏକ ଗରିବ ପରିବାରରୁ ଆସିଥିବା ଶିବାନୀ ଶଙ୍କର ସାହୁ ବୈଦ୍ୟୁତିକ ଯନ୍ତ୍ରୀ ପାଠ୍ୟକ୍ରମରେ ଆମ ଅନୁଷ୍ଠାନରୁ ଆଇ.ଟି.ଆଇ ପାସ କଲା ପରେ ନିଜର ଦକ୍ଷତାକୁ ଉପଯୋଗ କରିବା ପାଇଁ ବହୁ ଚେଷ୍ଟା କରିଥିଲେ | ତେଣୁ ସେ ନିଜ ପ୍ରଚେଷ୍ଟାରେ “Sai Sibani Maintenance Work” ନାମରେ ଏକ କର୍ମଶାଳା ଢେଙ୍କାନାଳଠାରେ ପ୍ରତିଷ୍ଠା କରିଲେ | ନିଜ ଗ୍ରାହକଙ୍କୁ ସନୁଷ୍ଟ କରିବା ଲାଗି ସେ ବହୁ ପରିଶ୍ରମ କରି ଆଜି ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି | ସେ ଏବେ ରୋଜଗାରକ୍ଷମ ହୋଇ ନିଜ ପରିବାରକୁ ସାହାଯ୍ୟ କରିବାପୂର୍ବକ ଅନ୍ୟମାନଙ୍କ ଲାଗି ପ୍ରେରଣାର ଏକ ଉତ୍ସ ହୋଇପାରିଛନ୍ତି |

ଗଞ୍ଜାମର ଏକ ଗରିବଶ୍ରେଣୀ ପରିବାରର ଶୀଖା ବିଶୋଇଙ୍କ ବାପା ହେଉଛନ୍ତି ଜଣେ ସ୍ୱଳ୍ପ ବେତନଭୋଗୀ ଗିତୀକାର | ୨୦୧୧ ରେ ଆମ ଅନୁଷ୍ଠାନରେ CoE-IT ରେ Multimedia & web page designing ବିଶେଷତାରେ ଅଧ୍ୟୟନ କାଳରେ ସେ ବହୁ ସମସ୍ୟାର ସମ୍ମୁଖୀନ ହୋଇଥିଲେ | ନିଜର କଠିନ ପରିଶ୍ରମ ତଥା ଅଧ୍ୟବସାୟ ବଳରେ ସେ “DHOOT Transmission Pvt. Ltd.”, Gurgaon, Delhi ଠାରେ Trainer-cum-HR ଭାବେ ନିଯୁକ୍ତ ହୋଇ ନିଜ ପରିବାରକୁ ସାହାଯ୍ୟ କରିବାକୁ ସକ୍ଷମ ହୋଇପାରିଛନ୍ତି |